Mahesh-SS Rajamouli combo: మహేష్, రాజమౌళి సినిమా కూడా రెండు పార్టులు?
ABN , First Publish Date - 2022-12-27T11:38:00+05:30 IST
చిత్ర పరిశ్రమలో వినిపిస్తున్న మాట ఏంటి అంటే, దర్శకుడు ఎస్ ఎస్ రాజమౌళి తన తదుపరి సినిమా మహేష్ బాబు తో తీస్తున్నాడు అది కూడా రెండు పార్టులుగా వుండబోతోంది అని. ఎందుకంటే ఇప్పుడు పెద్ద సినిమాలు అన్నీ రెండు పార్టులుగా విడుదల చేయటం ఒక ఆనవాయితీగా మారిపోయింది.
ఇప్పుడు సౌత్ ఇండియన్ సినిమా లో పెద్ద సినిమాలు అన్నీ రెండు పార్టులుగా చేయటం ఒక ఆనవాయితీగా మారిపోయింది. మొదట అగ్ర దర్శకుడు ఎస్ ఎస్ రాజమౌళి (SS Rajamouli) తన 'బాహుబలి' (Baahubali) సినిమాను రెండు పార్టులుగా విడుదల చేసి మంచి విజయం సాధించారు. ఇందులో ప్రభాస్ (Prabhas) కథానాయకుడు, అనుష్క మరియు తమన్నా (Anushka and Tamannah Bhatia) కథానాయికలు. 'బాహుబలి' సినిమా ప్రభాస్ ని ఎంత పెద్ద స్టార్ ని చేసిందో ఈరోజు చూస్తూనే వున్నాం. తరువాత అదే పంథాని దర్శకుడు ప్రశాంత్ నీల్ (Director Prashanth Neel) అనుసరించి తన 'కెజిఎఫ్' (KGF) సినిమాని రెండు పార్టులుగా తీసి పెద్ద విజయం సాధించాడు. ఈ సినిమాతో యష్ (Actor Yash) అనే నటుడు జాతీయ స్థాయి నటుడిగా గుర్తింపు పొందాడు. ఇప్పుడు సుకుమార్ (Director Sukumar) కూడా అదే విధానాన్ని కొనసాగిస్తూ 'పుష్ప 2' షూటింగ్ కి సమాయత్తం అవుతున్నాడు. ఈ సినిమాతో అల్లు అర్జున్ కి ఎంత పేరు వచ్చిందో అందరూ చూస్తూనే వున్నారు. ఎంత ఘన విజయం సాధించింది అంటే, ఈ సినిమాని ప్రపంచం అంతా ఎక్కడెక్కడో విడుదల అయింది.
ఇప్పుడు ప్రశాంత్ నీల్ ప్రభాస్ తో తీస్తున్న 'సాలార్' (Salar) కూడా రెండు పార్టులు గా విడుదల అవుతోందని తెలిసింది. మొదటి పార్టు 80 శాతం వరకు షూటింగ్ అయిపోయిందని, ఇంకా రెండో పార్టు కూడా ఉందని ఆ చిత్ర యూనిట్ సభ్యులు అనధికారికంగా ధృవీకరించారు. నిఖిల్ సిద్ధార్థ్, (Nikhil Siddhartha) దర్శకుడు చందూ మొండేటి (Chandoo Mondeti) కాంబినేషన్ లో వచ్చిన 'కార్తికేయ' (Karthikeya) సినిమా కూడా రెండు పార్టులుగా విడుదల అయి పెద్ద సంచలనమే సృష్టించింది. చిన్న నటుడు అయిన నిఖిల్ ఆ సినిమాతో తన స్టామినా ని బాగా పెంచుకున్నాడు, జాతీయ స్థాయిలో పేరు సంపాదించాడు. తదుపరి సినిమాలు పాన్ ఇండియా సినిమాలుగా వుండే విధంగా కథలు తయారుచేసుకుంటున్నాడు కూడా.
ఇప్పుడు చిత్ర పరిశ్రమలో వినిపిస్తున్న మాట ఏంటి అంటే, దర్శకుడు ఎస్ ఎస్ రాజమౌళి తన తదుపరి సినిమా మహేష్ బాబు తో తీస్తున్నాడు అది కూడా రెండు పార్టులుగా వుండబోతోంది అని. ఎందుకంటే రాజమౌళి మొదట 'ఆర్ఆర్ఆర్' (RRR) సినిమాకి సీక్వెల్ లేదు అని చెప్పాడు, కానీ ఇప్పుడు ఈ సినిమాకి రెండో పార్టు వుంది అని చెప్తున్నాడు.
అలాగే మహేష్ బాబు తో చేస్తున్న సినిమాని కూడా రెండు పార్టులుగా తీస్తే బాగుంటుంది అని అనుకుంటున్నాడని కూడా తెలిసింది. మిగతా సినిమాల్లా కాకుండా, ముందుగానే రెండు పార్టులకి కథ సిద్ధం చేసుకోవాలని కూడా అనుకుంటున్నాడని తెలిసింది. ఈ సినిమా షూటింగ్ 2023 వేసవిలో గానే ఆ తరువాత గానీ మొదలవొచ్చు. అది మొదలు పెట్టినప్పుడు క్లారిటీ వస్తుంది అని అందరూ అనుకుంటున్నారు. ఏమైనా ఇప్పుడు రెండు పార్టులు ట్రెండ్ అయితే మాత్రం కొనసాగుతోందని చెప్పాలి.