Siddharth: హీరోకు చేదు అనుభవం.. ఆవేదన‌తో పోస్ట్..

భాషతో సంబంధం లేకుండా అన్ని ఇండస్ట్రీస్‌లో నటిస్తూ పేరు తెచ్చుకున్న హీరో సిద్దార్థ్ (Siddharth). రొమాంటిక్ చిత్రాల్లో నటించి లవర్ బాయ్ ఇమేజ్ ను సొంతం చేసుకున్నాడు. ఇండియన్ ఎయిర్ పోర్టులో తాజాగా సిద్దార్థ్‌కు చేదు అనుభవం ఎదురైంది. ఈ విషయాన్ని సోషల్ మీడియా వేదికగా అభిమానులతో పంచుకున్నాడు.

‘‘నేను మా తల్లిదండ్రులతో కలసి వస్తుంటే మధురై ఎయిర్ పోర్టులోని సీఆర్పీఎఫ్ సిబ్బంది వేధించారు. మాపై 20నిమిషాల పాటు దురుసుగా ప్రవర్తించారు. నా తల్లిదండ్రుల బ్యాగు నుంచి వస్తువులను బయటపెట్టమన్నారు. చాలా సార్లు హిందీలో మాట్లాడాలని అడిగినప్పటికి ఇంగ్లిష్‌లోనే సమాధానం చెప్పారు. సిబ్బంది ప్రవర్తన అస్సలు బాగా లేదు. మేం నిరసన వ్యక్తం చేసినప్పటికీ ఇండియాలో ఈ విధంగానే ఉంటుందని బదులిచ్చారు. పని, పాట లేని వ్యక్తులు పవర్ ను చూపిస్తున్నారు’’ అని సిద్దార్థ్ సోషల్ మీడియాలో పోస్ట్ పెట్టి ఆవేదనను వ్యక్తం చేశాడు. ప్రస్తుతం ఈ పోస్ట్ వైరల్ గా మారింది. నెటిజన్స్ మిశ్రమంగా స్పందిస్తున్నారు.

సినీ ఇండస్ట్రీలో రెండు దశాబ్దాలుగా సిద్దార్థ్ కెరీర్‌ను కొనసాగిస్తున్నాడు. ‘బాయ్స్’, ‘రంగ్ దే బసంతి’, ‘గృహం’ వంటి చిత్రాలతో ప్రేక్షకులను అలరించాడు. చివరగా ‘మహా సముద్రం’ లో కనిపించాడు. ప్రస్తుతం కమల్ హాసన్ హీరోగా నటిస్తున్న ‘ఇండియన్ 2’ (Indian 2)లో కీలక పాత్రను పోషిస్తున్నాడు.