Nagarjuna Akkineni: అక్రమ నిర్మాణమంటూ.. టాలీవుడ్ స్టార్‌కి నోటీసులు

ఉత్తర గోవా (Goa)లోని మాండ్రెమ్ గ్రామంలో కొండ భాగాన్ని తవ్వి అక్రమంగా నిర్మాణ పనులు (Illegal Construction work) చేపడుతున్నారంటూ టాలీవుడ్ నటుడు నాగార్జున అక్కినేని (Nagarjuna Akkineni)కి గోవాలోని ఓ పంచాయతీ నోటీసు జారీ చేసింది. ఈ విషయంపై మాండ్రెం సర్పంచ్ అమిత్ సావంత్ మాట్లాడుతూ.. ‘అక్రమంగా పనులు జరుగుతున్నాయని, పత్రాలతో ఎవరూ తమను సంప్రదించలేదని అన్నారు. కొండ ప్రాంతంలో తవ్వకాలు జరిగాయి.

వారి దగ్గర ఈ పనికి సంబంధించిన అనుమతి ఉంటే మాకు చూపించి ఉండాలి. అందుకే మేము స్టాప్ వర్క్ నోటీసును అందించాం. ఆయన నటుడో కాదో మాకు తెలియదు. కానీ ఆయన ఆ పనిని దానిని చట్టబద్ధంగా చేయాలి. చట్టబద్ధమైన ప్రాజెక్టులకు మేం వ్యతిరేకం కాదని, కానీ ఎవరైనా అక్రమ పనులు చేస్తే చర్యలు తప్పవన్నారు. ఈ నిర్మాణం ఓ నటుడిదని మీడియా ద్వారా తెలుసుకున్నాం. సంబంధిత వ్యక్తి మా నోటీసుకు సమాధానం ఇవ్వకపోతే, మేము స్థలాన్ని పరిశీలించి పంచనామా చేస్తాం’ అన్నారు.

ఆ పంచాయతీ అందించిన నోటీసులో.. ‘అశ్వేవాడ, మండ్రెంలోని సర్వే నెం.211/2 బిలోని భూమిలో సంబంధిత అధికారుల నుంచి, ఈ పంచాయతీ నుంచి ముందస్తు అనుమతి పొందకుండా అక్రమ నిర్మాణం, తవ్వకాలు చేస్తున్నారని ఈ పంచాయతీ గమనించింది. పైన పేర్కొన్నవాటిలో, ఈ నోటీసు అందిన వెంటనే నిర్మాణం/నిర్మాణం/తవ్వకం పనులను నిలిపివేయాలని మీకు ఆదేశాలు ఇస్తున్నాం. లేకపోతే గోవా పంచాయత్ రాజ్ చట్టం, 1994 ప్రకారం మీపై తదుపరి అవసరమైన చర్యలు తీసుకుంటాం’ అని పేర్కొన్నారు.