Waltair Veerayya: టైటిల్ ట్రాక్.. మెగా ఫ్యాన్స్‌కి ఎక్కేస్తోంది

మెగాస్టార్ చిరంజీవి (Chiranjeevi), దర్శకుడు బాబీ కొల్లి (Bobby Kolli) (కెఎస్ రవీంద్ర) కాంబినేషన్‌లో రాబోతోన్న మోస్ట్ ఎవైటెడ్ మూవీ ‘వాల్తేరు వీరయ్య’ (Waltair Veerayya). మైత్రీ మూవీ మేకర్స్ (Mythri Movie Makers) బ్యానర్‌పై భారీ స్థాయిలో నవీన్ యెర్నేని, వై రవిశంకర్ నిర్మిస్తున్నారు. ఈ సినిమాకు సంబంధించి ఇప్పటి వరకు విడుదలైన వన్నీ ఒక ఎత్తయితే.. తాజాగా విడుదలైన ‘వీరయ్య’ టైటిల్ ట్రాక్ ఒక ఎత్తు అన్నట్లుగా మెగా ఫ్యాన్స్ సోషల్ మీడియాలో సందడి చేస్తున్నారు. చంద్రబోస్ పదునైన సాహిత్యంతో పాటు, దేవిశ్రీ అందించిన మ్యూజిక్ మెగా ఫ్యాన్స్‌కి తెగ నచ్చేసింది. ఈ సాంగ్‌లో ‘గ్యాంగ్ లీడర్’, ‘ముఠామేస్త్రి’ తరహా చిరంజీవి‌ని బాబీ చూపించారు. దీంతో దర్శకుడు బాబీపై మెగా ఫ్యాన్స్ పొగడ్తల వర్షం కురిపిస్తున్నారు. దర్శకుడు బాబీ స్వయంగా మెగాస్టార్ చిరంజీవికి వీరాభిమాని కావడంతో, అభిమానులకు కావాల్సిన అంశాలన్నీ సమపాళ్ళలో అందించి చిత్రాన్ని పర్ఫెక్ట్ ఫుల్ మీల్ ఫీస్ట్ రెడీ చేస్తున్నాడనేలా ఈ సాంగ్‌తో ఫ్యాన్స్‌కి క్లారిటీ వచ్చేసింది.

ఈ మధ్య కాలంలో వచ్చిన బెస్ట్ టైటిల్ సాంగ్, హీరో ఇంట్రడక్షన్ సాంగ్ ఇదే అని చెప్పుకోవచ్చు. రాక్‌స్టార్ దేవి శ్రీ ప్రసాద్ అద్భుతమైన కంపోజిషన్‌తో బ్రాస్ ఆర్కెస్ట్రా సెక్షన్ బ్యాంకాక్ మ్యుజిషియన్స్ తో రికార్డ్ చేశారు. అనురాగ్ కులకర్ణి ఎనర్జిటిక్ గా పాడారు. ఇది ఎక్స్ టార్డినరీ అడిక్టివ్ నంబర్. వాల్తేరు వీరయ్య టైటిల్ ట్రాక్ అన్ని వర్గాల మ్యూజిక్ లవర్స్, ముఖ్యంగా మాస్ ని మెస్మరైజ్ చేసే ఇన్స్టెంట్ హిట్. చంద్రబోస్ రాసిన ప్రతి పదం ఉరుములా వుంది. బలమైన లిరిక్స్‌తో పవర్ ఫుల్ తుఫానును సృష్టిస్తుంది. వాల్తేరు వీరయ్య పరాక్రమాన్ని వీరోచితంగా ప్రజంట్ చేస్తోంది. ఆల్బమ్‌లోని బాస్ పార్టీ, నువ్వు శ్రీదేవి నేను చిరంజీవి ఇప్పటికే చార్ట్‌బస్టర్‌లుగా నిలిచాయి. ఇప్పుడు ఈ సినిమా టైటిల్ ట్రాక్ అన్ని రికార్డులను బద్దలు కొడుతూ దూసుకుపోతోంది.. మొత్తంగా చూస్తుంటే మాత్రం సంక్రాంతికి పూనకాలు మాములుగా ఉండవనేది మాత్రం అర్థమవుతోంది. కాగా.. మాస్ మహారాజా రవితేజ (Ravi Teja) కీలక పాత్ర పోషిస్తున్న ఈ చిత్రంలో చిరంజీవి సరసన శృతిహాసన్ (Shruti Haasan) కథానాయికగా నటిస్తోంది. 13 జనవరి, 2023న ప్రపంచవ్యాప్తంగా గ్రాండ్‌గా ఈ చిత్రాన్ని ప్రేక్షకుల ముందుకు తీసుకురానున్నారు.