Anupama Parameswaran: హీరోయిన్‌తో అల్లు అరవింద్, సుకుమార్ డ్యాన్స్
ABN , First Publish Date - 2022-12-25T15:32:35+05:30 IST
‘18 పేజెస్‌’ మంచి విజయం సాధించడంతో చిత్రబృందం సంబరాలు చేసుకుంది. అందుకు సంబంధించిన వీడియోను హీరో నిఖిల్ సోషల్ మీడియా వేదికగా అభిమానులతో పంచుకున్నారు.
‘కార్తికేయ 2’ (Karthikeya 2) తో రూ.100కోట్ల క్లబ్‌లో చేరిన హీరో, హీరోయిన్ నిఖిల్ (Nikhil), అనుపమ పరమేశ్వరన్ (Anupama Parameswaran). పాన్ ఇండియాగా తెరకెక్కిన ఈ సినిమా ప్రేక్షకుల మెప్పుతో పాటు విమర్శకుల ప్రశంసలు దక్కించుకుంది. ‘కార్తికేయ2’ ఇచ్చిన కిక్‌తో మరో చిత్రం ‘18 పేజెస్‌’ (18 Pages)ను ప్రేక్షకుల ముందుకు తీసుకువచ్చారు ఈ జంట. ఈ మూవీని అల్లు అరవింద్ సమర్పించారు. జీఏ2 పిక్చర్స్, సుకుమార్ రైటింగ్స్‌ కలసి నిర్మించాయి. పల్నాటి సూర్య ప్రతాప్ దర్శకత్వం వహించారు. ప్రపంచవ్యాప్తంగా ఈ సినిమా డిసెంబర్ 23న విడుదలైంది. బాక్సాఫీస్ వద్ద భారీ వసూళ్లను రాబడుతుంది. ‘18 పేజెస్‌’ మంచి విజయం సాధించడంతో చిత్రబృందం సంబరాలు చేసుకుంది. అందుకు సంబంధించిన వీడియోను హీరో నిఖిల్ సోషల్ మీడియా వేదికగా అభిమానులతో పంచుకున్నారు.
సక్సెస్ పార్టీలో హీరోయిన్ అనుపమ పరమేశ్వరన్ స్టెప్పులేసింది. అల్లు అరవింద్, సుకుమార్ కూడా డ్యాన్స్ చేశారు. అందుకు సంబంధించిన వీడియో సోషల్ మీడియాలో వైరల్‌గా మారింది. నెటిజన్స్ అందరు షేర్ చేయడం మొదలుపెట్టారు. ఈ సెలబ్రేషన్స్‌లో సినీ ఇండస్ట్రీకి చెందిన అనేక మంది ప్రముఖులు పాల్గొన్నారు.