Itlu Maredumilli Prajaneekam: అల్లరి నరేశ్ మూవీ ఓటీటీ స్ట్రీమింగ్ ఎప్పుడంటే.

ఎక్కువగా కామెడీ సినిమాలతో అలరించిన ‘అల్లరి’ నరేశ్ (Allari Naresh) తన రూటు మార్చి.. ప్రస్తుతం వరుసగా సిరీయస్ కథలతో ప్రేక్షకులను పలకరిస్తున్నాడు. గతేడాది ‘నాంది’ అనే సిరీయస్ కథతో సూపర్‌హిట్ కొట్టిన ఈ నటుడు ఇటీవలే ‘ఇట్లు మారేడు మిల్లి ప్రజానీకం’ (Itlu Maredumilli Prajaneekam) అనే సినిమాతో ప్రేక్షకుల ముందుకు వచ్చాడు. ఆనంది, వెన్నెల కిషోర్ కీలక పాత్రల్లో నటించిన ఈ చిత్రం సోషల్ థ్రిల్లర్ డ్రామాగా తెరకెక్కింది.

ఈ ఏడాది నవంబర్ 25 విడుదలైన ఈ చిత్రం మిక్స్‌డ్ టాక్‌ని సొంతం చేసుకుంది. పలువురు విమర్శకుల నుంచి మంచి చిత్రంగా ప్రశంసలు అందుకుంది. వసూళ్ల పరంగా కూడా బాక్సాఫీస్ వద్ద డీసెంట్ కలెక్షన్లనే అందుకుంది. పలు కారణాలతో థియేటర్‌లో ఈ చిత్రాన్ని చూడలేకపోయిన సినీ లవర్స్ కోసం త్వరలోనే త్వరలో ఓటీటీ (OTT)లో స్ట్రీమింగ్ కానుంది. క్రిస్మస్ కానుకగా డిసెంబర్ 23న ప్రముఖ ఓటీటీ ప్లాట్‌ఫామ్‌ జీ5 (ZEE5)లో స్ట్రీమింగ్‌కి సిద్ధమవుతోంది. నూతన దర్శకుడు ఏ.ఆర్. మోహన్ రచన, దర్శకత్వం వహించిన ఈ చిత్రాన్ని.. జీ స్టూడియోస్, హాస్య మూవీస్ సంయుక్తంగా నిర్మించాయి.