Macherla Niyojakavargam: ఓటీటీలో లెక్క మారింది

నితిన్‌ (Nithiin), కృతి శెట్టి (Krithi Shetty) హీరోహీరోయిన్లుగా న‌టించిన చిత్రం ‘మాచర్ల నియోజకవర్గం’ (Macherla Niyojakavargam). ఈ సినిమా థియేటర్లలో సరైన విజయం సాధించలేదు కానీ.. ఓటీటీకి సంబంధించి మాత్రం లెక్కలు బాగానే వినబడుతున్నాయి. డిఫ‌రెంట్ ఒరిజిన‌ల్ ఫిలింస్‌, వెబ్ సిరీస్‌, షోస్‌, సినిమాల‌తో ప్రేక్షకుల‌ను నిరంతరం అలరిస్తోన్న జీ 5 ఓటీటీ (Zee5 OTT) మాధ్యమంలో డిసెంబ‌ర్ 9 నుంచి ఈ చిత్రం టెలికాస్ట్ అవుతోంది. ఇప్పటి వరకు ఈ సినిమాకు 75 మిలియ‌న్స్ ప్లస్ వ్యూయింగ్ మినిట్స్ వ‌చ్చినట్లుగా జీ5 వర్గాలు అధికారికంగా వెల్లడించాయి. ఆ లెక్కన ఈ సినిమా ఓటీటీలో మంచి విజయం సాధించినట్లుగానే చెప్పుకోవచ్చు.

సముద్ర ఖ‌ని, క్యాథ‌రిన్‌, రాజేంద్ర ప్ర‌సాద్‌, ముర‌ళీ శ‌ర్మ‌, జ‌య‌ప్ర‌కాష్‌, వెన్నెల కిషోర్, ఇంద్ర‌జ‌ త‌దిత‌రులు కీల‌క పాత్ర‌ల్లో న‌టించిన ‘మాచర్ల నియోజకవర్గం’ సినిమా విషయానికి వస్తే.. సిద్ధార్థ్ రెడ్డి (నితిన్‌) ఇండియ‌న్ సివిల్ స‌ర్వీస్ ఎగ్జామ్స్ రాసి రిజ‌ల్ట్స్ కోసం ఎదురు చూస్తుంటాడు. గుంటూరు జిల్లాలోని మాచ‌ర్లకు చెందిన స్వాతి.. త‌న నియోజ‌క వ‌ర్గంలో ప్ర‌జ‌లు ఎదుర్కొంటున్న స‌మ‌స్య‌పై సాయం కోసం ఎదురు చూస్తుంటుంది. రాజ‌ప్ప (స‌ముద్ర ఖ‌ని) మాచ‌ర్ల నియోజ‌క వ‌ర్గంలో ఎన్నిక‌లు జ‌ర‌గ‌కుండా చూస్తుంటాడు. అలాంటి వ్య‌క్తికి ఎదురెళుతుంది స్వాతి. ఆమెను చంప‌టానికి రాజ‌ప్ప ప్ర‌య‌త్నిస్తాడు. స్వాతిని సిద్ధార్థ్ కాపాడతాడు. రాజ‌ప్ప గురించిన నిజం అత‌నికి తెలుస్తుంది. అదే స‌మ‌యంలో అత‌నికి గుంటూరు జిల్లాకే క‌లెక్ట‌ర్‌గా పోస్టింగ్ వ‌స్తుంది. అప్ప‌టి వ‌ర‌కు జ‌రిగిన పోరాటం ఇంకా ఉధృతంగా మారుతుంది. చివ‌ర‌కు రాజ‌ప్ప‌ను సిద్ధార్థ్ ఎలా ఎదుర్కొన్నాడ‌నేదే సినిమా (Macherla Niyojakavargam Story). స్వ‌ర సాగ‌ర్ మ‌హ‌తి ఇటు క్లాస్‌, అటు మాస్ ఆడియెన్స్‌ను అల‌రించేలా సంగీతాన్ని అందించారు. ప్ర‌సాద్ మూరెళ్ల సినిమాటోగ్ర‌ఫీ అందించారు.