Waltair Veerayya: నువ్వు రాణివైతే.. మై నేమ్ ఈజ్ రాజూ అంట!

మెగాస్టార్ చిరంజీవి (Megastar Chiranjeevi), దర్శకుడు బాబీ కొల్లి (Bobby Kolli) (కెఎస్ రవీంద్ర)ల కాంబినేషన్‌లో తెరకెక్కుతోన్న మెగా మాస్ యాక్షన్ ఎంటర్‌టైనర్

మెగాస్టార్ చిరంజీవి (Megastar Chiranjeevi), దర్శకుడు బాబీ కొల్లి (Bobby Kolli) (కెఎస్ రవీంద్ర)ల కాంబినేషన్‌లో తెరకెక్కుతోన్న మెగా మాస్ యాక్షన్ ఎంటర్‌టైనర్ ‘వాల్తేరు వీరయ్య’ (Waltair Veerayya). ఈ సినిమాకు సంబంధించి ఇప్పటి వరకు విడుదలైన ప్రతీది ట్రెమండస్ రెస్పాన్స్‌ను సొంతం చేసుకుంటున్న విషయం తెలిసిందే. ఈ సంక్రాంతికి ప్రేక్షకులకు థియేటర్లలో పూనకాలే అన్నట్లు‌గా చిత్రయూనిట్ ప్రమోషనల్ కంటెంట్‌ను వదులుతోంది. తాజాగా.. సెకండ్ సింగిల్ ‘నువ్వు శ్రీదేవి నేను చిరంజీవి’ (Nuvvu Sridevi Nenu Chiranjeevi)ను మేకర్స్ విడుదల చేశారు. రాక్‌స్టార్ దేవి శ్రీ ప్రసాద్ (Devi Sri Prasad) లీడ్ పెయిర్ మధ్య అందమైన కెమిస్ట్రీని వర్ణిస్తూ పాటను స్వయంగా రాసి.. అవుట్ స్టాండింగ్‌గా కంపోజ్ చేశారు. జస్‌ప్రీత్ జాస్, సమీరా భరద్వాజ్‌ ఈ పాటను ఆలపించారు. ప్రస్తుతం ఈ పాట సోషల్ మీడియాలో వైరల్ అవుతోంది. (Waltair Veerayya Second Single)

‘‘నువ్వు సీత వైతే.. నేను రాముడినంట..

నువ్వు రాధ వైతే.. నేను కృష్ణుడినంట..

నువ్వు లైలావైతే.. నేను మజ్నూనంట..

నువ్వు జూలియట్ వైతే.. నేనే.. రొమియోనంట.

రాయే రాయే రాయే చేసేద్దాం.. లవ్వు..

రాకింగ్ కొంబో అంటా నా గ్రేసు నీ నవ్వు..’’ అని చిరంజీవి శృతిహాసన్‌ను పిలిస్తే..

‘‘నువ్వు పాటవైతే.. నేను రాగం అంట..

నువ్వు మాటవైతే.. నేను భావం అంట..

నువ్వు వానవైతే.. నేను మేఘం అంట..

నువ్వు వీణ వైతే.. నేనే తీగను అంట..

రార.. రార.. రార.. చేసేద్దాం లవ్వు..

రాకింగ్ కొంబో అంటా నా గ్రేసు నీ నవ్వు’’ అని శృతిహాసన్ (Shruti Haasan) కూడా చిరుని ప్రేమించుకోవడానికి ఆహ్వానిస్తోంది. మెగాస్టార్ చిరంజీవి తన గ్రేస్ ఫుల్ డ్యాన్స్‌తో పాటను మరో స్థాయికి తీసుకెళ్లారు. చిరంజీవి బ్లేజర్లు ధరించి స్టైలిష్‌గా ఉన్నారు. శృతి హాసన్ రంగురంగుల చీరలలో అందంగా కనిపిస్తోంది. మంచుతో కప్పబడిన లొకేషన్ మరొక హైలైట్. ‘మౌత్ ఆర్గాన్ స్టెప్’ సిగ్నేచర్ పాటకు మరో ఆకర్షణ. రాబోయే రోజుల్లో రీల్ మేకర్స్‌కి ఇది ఫేవరెట్ కావడం ఖాయం. శేఖర్ మాస్టర్ (Sekhar Master) ఈ పాటకు డ్యాన్స్‌లు సమకూర్చారు. ప్రస్తుతం సినిమా షూటింగ్ యూరప్‌లో పూర్తి చేసుకొని చిరంజీవి హైదరాబాద్‌కు తిరిగి వచ్చారు. వాల్తేరు వీరయ్య జనవరి 13, 2023న ప్రపంచవ్యాప్తంగా గ్రాండ్‌గా ప్రేక్షకుల ముందుకు రానుంది. మైత్రీ మూవీ మేకర్స్‌పై నవీన్ యెర్నేని, వై రవిశంకర్ భారీ స్థాయిలో ఈ చిత్రాన్ని నిర్మిస్తున్నారు.