పెళ్లి కూతురు రెడీ అయిపోయింది

ప్రిన్స్‌, అర్జున్‌ కల్యాణ్‌, అనీషా ధామా, సీత ప్రధాన పాత్రలు పోషించిన చిత్రం ‘పెళ్లి కూతురు పార్టీ’. ఏ.వి.ఆర్‌ స్వామి నిర్మాత. అపర్ణ దర్శకత్వం వహించారు. చిత్రీకరణతో పాటు నిర్మాణానంతర కార్యక్రమాలూ పూర్తయ్యాయి. మే 20న ఈ చిత్రాన్ని విడుదల చేయనున్నారు. ఈ సందర్భంగా సోమవారం హైదరాబాద్‌లో ఏర్పాటు చేసిన విలేకరుల సమావేశంలో నిర్మాత మాట్లాడుతూ ‘‘రెండేళ్ల క్రితమే ఈ చిత్రం ప్రారంభమైంది. కానీ కరోనా వల్ల విడుదల ఆలస్యమైంది. ఇదో పూర్తి వినోద భరిత చిత్రం. ఇంటిల్లిపాదీ చూసేలా ఉంటుంద’’న్నారు. ‘‘అందరినీ నవ్వించే చిత్రమిది. క్లీన్‌ ఎంటర్‌టైనర్‌’’ అని దర్శకురాలు చెప్పారు. ‘‘మేమంతా ఓ టీమ్‌లా కలిసి పనిచేశాం. మంచి ఫలితం వస్తుందన్న నమ్మకం ఉంద’’ని నటీనటులు తెలిపారు.