NBK-Pawan: ‘వీరసింహారెడ్డి’ సెట్స్‌లో ‘వీరమల్లు’.. పిక్ వైరల్
ABN , First Publish Date - 2022-12-23T19:45:11+05:30 IST
గత కొన్ని రోజులుగా.. నందమూరి నటసింహం బాలకృష్ణ (Natasimha Balakrishna) హోస్ట్ చేస్తున్న అన్‌స్టాపబుల్ విత్ ఎన్‌బికె సీజన్ 2 (Unstoppable with NBK S2)కు పవర్ స్టార్..
గత కొన్ని రోజులుగా.. నందమూరి నటసింహం బాలకృష్ణ (Natasimha Balakrishna) హోస్ట్ చేస్తున్న అన్‌స్టాపబుల్ విత్ ఎన్‌బికె సీజన్ 2 (Unstoppable with NBK S2)కు పవర్ స్టార్ పవన్ కల్యాణ్ (Power Star Pawan Kalyan) రాబోతున్నట్లుగా వార్తలు వైరల్ అవుతున్న విషయం తెలిసిందే. అయితే అంతకంటే ముందే బాలయ్య-పవన్ (NBK-Pawan) కల్యాణ్ మీటయ్యారు. అదీ కూడా బాలయ్య చేస్తున్న ‘వీరసింహారెడ్డి’ (Veera Simha Reddy) సెట్స్‌లో. ప్రస్తుతం పవన్ కల్యాణ్ ‘హరిహర వీరమల్లు’ (HariHara VeeraMallu) అనే చిత్రం చేస్తున్న విషయం తెలిసిందే. శరవేగంగా ఈ సినిమా చిత్రీకరణ జరుపుకుంటోంది. అలాగే ‘వీరసింహారెడ్డి’కి సంబంధించి బ్యాలెన్స్ ఉన్న పాట బాలయ్య, శృతిహాసన్‌ (Shruti Haasan)లపై చిత్రీకరణ జరుగుతుంది. ఈ పాట చిత్రీకరణ సెట్స్‌లో సడెన్‌గా ‘వీరమల్లు’ టీమ్ ప్రత్యక్షమైంది. ‘వీరసింహారెడ్డి’ సెట్స్‌లో ‘వీరమల్లు’ ఉన్న పిక్ ప్రస్తుతం వైరల్ అవుతోంది.
ఈ సెట్స్‌లో బాలయ్య, పవన్ సరదాగా కాసేపు ముచ్చటించినట్లుగా సమాచారం. పవన్ కల్యాణ్‌తో పాటు ‘హరిహర వీరమల్లు’ చిత్ర దర్శకుడు క్రిష్ (Krish), నిర్మాత ఏ.ఎమ్. రత్నం (AM Rathnam) కూడా ‘వీరసింహారెడ్డి’ సెట్స్‌లో దర్శనమిచ్చారు. ఈ రెండు టీమ్‌లు కలిసి గ్రూపు ఫొటోలకు ఫోజులిచ్చారు. వాటిలో ఓ ఫొటో ఇప్పుడు సోషల్ మీడియాని షేక్ చేస్తోంది. బాలయ్య, పవన్ కల్యాణ్‌ని ఇలా చూసిన మెగానందమూరి అభిమానులు సంతోషం వ్యక్తం చేస్తూ.. ఈ పిక్‌ని వైరల్ చేస్తున్నారు. ఈ రెండు చిత్రాలకు సంబంధించి పక్కపక్కన షూటింగ్ జరుగుతుంటే ఇలా కలుసుకున్నారో.. లేదంటే వేరే ఏదైనా కారణం ఉందో తెలియదు కానీ.. ప్రస్తుతానికి ఈ పిక్ టాక్ ఆఫ్ ద ఇండస్ట్రీగా మారింది. కాగా, నందమూరి బాలకృష్ణ, శృతి హాసన్, గోపీచంద్ మలినేని కాంబినేషన్‌లో తెరకెక్కుతోన్న ‘వీరసింహారెడ్డి’ చిత్రాన్ని మైత్రీ మూవీ మేకర్స్ బ్యానర్‌పై నిర్మాతలు నవీన్ యెర్నేని, వై రవిశంకర్ నిర్మిస్తున్నారు. 12 జనవరి, 2023న సంక్రాంతి స్పెషల్‌గా ప్రపంచవ్యాప్తంగా గ్రాండ్‌గా థియేట్రికల్ విడుదలకు ఈ సినిమా సిద్ధమవుతోంది.