Dasara: క్లైమాక్స్‌లో.. నాని పోస్ట్ వైరల్

న్యాచురల్ స్టార్ నాని (Natural Star Nani) మోస్ట్ ఎవైటెడ్ పాన్ ఇండియా చిత్రం ‘దసరా’ (Dasara). ఈ సినిమాకు సంబంధించి విడుదలైన నాని ఫస్ట్‌ లుక్‌ నుండి ఇటీవలే వచ్చిన ఫస్ట్‌ సాంగ్‌ ధూమ్‌ ధామ్‌ వరకు సూపర్బ్ రెస్పాన్స్‌ను సొంతం చేసుకోవడమే కాకుండా సినిమా‌పై క్యూరియాసిటీని పెంచాయి. ప్రస్తుతం ఈ సినిమాకు సంబంధించిన అప్‌డేట్‌ని మేకర్స్ తాజాగా తెలియజేశారు. ఈ సినిమా షూటింగ్ చివరి దశకు చేరుకుంది. కొత్త షెడ్యూల్ గోదావరిఖని (Godavarikhani) బొగ్గుగని సెట్‌లో మంగళవారం నుంచి ప్రారంభమైంది. పదిహేను రోజుల షెడ్యూల్‌‌లో కీలకమైన క్లైమాక్స్ సీక్వెన్స్ చిత్రీకరించనున్నారు.

ఈ అప్‌డేట్ తెలుపుతూ.. నాని ఇన్‌స్టాగ్రమ్‌‌లో లొకేషన్ ఫోటో‌ని పోస్ట్ చేసి.. ‘‘చివరి షెడ్యూల్‌‌లో మొదటి రోజు. మనస్సు, శరీరం, హృదయం, ఆవేశం దాని పూర్తి సామర్థ్యంతో’’ అని రాశారు. ఇది సినిమాలో అత్యంత కీలకమైన సీక్వెన్స్, సినిమాకే హైలైట్‌‌గా నిలుస్తుందని మేకర్స్ చెబుతున్నారు. ఈ షెడ్యూల్ తర్వాత, ఒక పాట మాత్రమే బ్యాలెన్స్ ఉన్నట్లుగా వారు తెలిపారు. శ్రీ లక్ష్మీ వెంకటేశ్వర సినిమాస్ (Sri Lakshmi Venkateswara Cinemas) బ్యానర్‌ పై సుధాకర్ చెరుకూరి (Sudhakar Cherukuri) భారీ ఎత్తున నిర్మిస్తున్న ఈ సినిమాతో.. శ్రీకాంత్ ఓదెల (Srikanth Odela) దర్శకుడిగా పరిచయం అవుతున్నారు. జాతీయ అవార్డు విన్నర్ కీర్తి సురేష్ (Keerthi Suresh) ఈ సినిమాలో నానికి జోడిగా కనిపించనుంది. సముద్రఖని, సాయి కుమార్, జరీనా వహాబ్ కీలక పాత్రలలో కనిపించనున్న ఈ చిత్రానికి సంతోష్ నారాయణన్ సంగీతం అందిస్తున్నారు. తెలుగు, తమిళం, కన్నడ, మలయాళం, హిందీ భాషల్లో 30 మార్చి 2023న విడుదల చేసేందుకు మేకర్స్ సన్నాహాలు చేస్తున్నారు. (Dasara Update)