కన్నీటి వీడ్కోలు

కృష్ణ పార్దివ దేహానికి నివాళులర్పించేందుకు చిత్ర పరిశ్రమ తరలివచ్చింది. పలువురు సినీ ప్రముఖులు బుధవారం పద్మాలయ స్టూడియోకు చేరుకొని నివాళులర్పించారు. ఘట్టమనేని కుటుంబ సభ్యులను పరామర్శించారు. కృష్ణ భౌతికకాయాన్ని సందర్శించిన నిర్మాత అల్లు అరవింద్‌ నివాళులు అర్పించారు. అనంతరం కృష్ణ కుటుంబ సభ్యులను ఓదార్చారు. పరిశ్రమలో నిర్మాతల బాగు కోరుకున్న ఒకే ఒక హీరో కృష్ణ అని కొనియాడారు. 

నటి, ఏపీ మంత్రి రోజా కృష్ణ కుటుంబ సభ్యులను  పరామర్శించారు. ఆయన మృతిపట్ల ఆవేదన వ్యక్తం చేశారు.  కృష్ణ అద్భుతమైన వ్యక్తి, సాహసాలు, సంచలనాలకు ఆయన కేరాఫ్‌ అడ్రస్‌ అని చెప్పారు. సీనియర్‌ నటులు కోట శ్రీనివాసరావు, నటుడు అలీ, దర్శకుడు త్రివిక్రమ్‌ తదితరులు కృష్ణ పార్దివ దేహానికి నివాళులర్పించారు.