Gangubai Kathiawadi: మల్టీవర్స్‌ని ఆక్రమించబోతోంది.. ఆలియాపై ప్రశంసలు కురిపించిన హాలీవుడ్ నటి

ఈ ఏడాది వచ్చిన మంచి సినిమాల్లో ‘గంగూబాయి కతియావాడి’ (Gangubai Kathiawadi) ఒకటి. బాలీవుడ్ టాప్ హీరోయిన్ ఆలియా భట్ (Alia Bhatt) టైటిల్ రోల్ పోషించిన ఈ చిత్రం సూపర్ హిట్‌గా నిలిచింది. అంతేకాకుండా ఈ చిత్రం అమెరికన్ ఫిల్మ్ అవార్డ్స్ సీజన్‌లో పలు అవార్డులను సొంతం చేసుకుంది. అలాగే పాశ్చాత్య దేశాల్లోని విమర్శకుల ప్రశంసలను కూడా అందుకుంది.

ముఖ్యంగా ఈ మూవీలో అలియా భట్ నటనకి అందరూ ఫిదా అయిపోయారు. తాజాగా మార్వెల్ నిర్మించిన డిస్నీ+ సిరీస్‌ అయిన ‘లోకీ’ (Loki)లో సిల్వీ పాత్రతో ప్రపంచవ్యాప్తంగా గుర్తింపు పొందిన సోఫియా డి మార్టినో (Sophia Di Martino).. ఈ మూవీలో ఆలియా నటనపై ప్రశంసలు కురిపించింది.

సోఫియా తాజాగా తన ఇన్‌స్టాగ్రామ్ స్టోరీస్‌లో సంజయ్ లీలా భన్సాలీ సినిమా పోస్టర్‌ను షేర్ చేసింది. ‘వాహ్హ్. ఏం మలుపు. ఆలియా భట్ ఒకటిన్నర నిమిషాల్లో ప్రపంచాన్ని ఆక్రమించబోతోంది.#Gangubai Kathiawadi’ అని రాసుకొచ్చింది. అలాగే ఆ పోస్ట్‌కి ‘బాస్ లాగా’ (Like a boss) అనే స్టిక్కర్‌ని కూడా జోడించింది. స్టోరీ కింది భాగంలో.. ‘ఇదంతా మల్టీవర్స్‌ను స్వాధీనం చేసుకోబోయే వ్యక్తి గురించి అని అర్థం’ అని రాసుకొచ్చింది. ఈ స్టోరీని తన ఇన్‌స్టాగ్రామ్ ద్వారా ఆలియా పంచుకుంది.