సెకండ్ షెడ్యూల్‌లో మ్యూజిక్ డైరెక్టర్ కోటి నటిస్తోన్న చిత్రం
ABN , First Publish Date - 2021-09-23T02:15:54+05:30 IST
రాజీవ్ సాలూరి, వర్ష విశ్వనాథ్ హీరోహీరోయిన్లుగా టైగర్ హిల్స్ ప్రొడక్షన్, స్వస్తిక ఫిలిమ్స్ పతాకాలపై గాజుల వీరేష్ (బళ్లారి) నిర్మిస్తోన్న ప్రొడక్షన్ నెంబర్ 1 చిత్ర షూటింగ్ సెకండ్ షెడ్యూల్ ఇటీవలే వైజాగ్‌లో ప్రారంభమైనట్లుగా
రాజీవ్ సాలూరి, వర్ష విశ్వనాథ్ హీరోహీరోయిన్లుగా టైగర్ హిల్స్ ప్రొడక్షన్, స్వస్తిక ఫిలిమ్స్ పతాకాలపై గాజుల వీరేష్ (బళ్లారి) నిర్మిస్తోన్న ప్రొడక్షన్ నెంబర్ 1 చిత్ర షూటింగ్ సెకండ్ షెడ్యూల్ ఇటీవలే వైజాగ్‌లో ప్రారంభమైనట్లుగా మేకర్స్ ప్రకటించారు. కిట్టు నల్లూరి దర్శకత్వంలో తెరకెక్కుతోన్న ఈ చిత్రానికి మణిశర్మ సంగీతం అందిస్తున్నారు. ప్రముఖ సంగీత దర్శకుడు కోటి సాలూరి ఓ ముఖ్యపాత్రలో నటిస్తుండగా సదన్, లావన్య, రాజా రవీంద్ర, రాజా శ్రీ తదితరులు ఇతర పాత్రలు పోషిస్తున్నారు. విష్ణుసూర్య గుంత ఎక్జిక్యూటివ్ ప్రొడ్యూసర్‌గా వ్యవహరిస్తోన్న ఈ చిత్రానికి సంబంధించిన కొన్ని కీలక సన్నివేశాలను ఈ షెడ్యూల్‌లో చిత్రీకరించనున్నారు.
ఈ సందర్భంగా నిర్మాత గాజుల వీరేష్ (బళ్లారి) మాట్లాడుతూ.. మా సంస్థలో ఎంతో ప్రతిష్టాత్మకంగా తెరకెక్కుతున్న ప్రొడక్షన్ నెంబర్ 1 చిత్రం మొదటి షెడ్యూల్ పూర్తి చేసుకుని రెండో షెడ్యూల్‌కి మొదలుపెట్టుకుంది. మొదటి షెడ్యూల్ షూటింగ్ అనుకున్న విధంగా బాగా జరిగింది. మా చిత్రానికి ఎన్నో సూపర్ హిట్ చిత్రాలకు సంగీతం అందించిన మణిశర్మ‌గారు సంగీతం అందిస్తుంటే.. సంచలన సంగీత దర్శకుడు కోటిగారు ఓ ముఖ్యపాత్రలో నటిస్తున్నారు అని తెలుపగా.. దర్శకుడు కిట్టు నల్లూరి మాట్లాడుతూ.. ఈ సినిమాని అన్ని వర్గాల ప్రేక్షకులను అలరించేలా ఎంతో ఎంటర్‌టైనింగ్‌గా తెరకెక్కిస్తున్నాం. ప్రేక్షకులకు నచ్చే అన్ని అంశాలు ఈ చిత్రంలో ఉంటాయి. టైటిల్‌తో పాటు చిత్రానికి సంబంధించిన ఇతర వివరాలను త్వరలోనే వెల్లడిస్తాం.. అన్నారు.