'ఆడపడుచులు అందరికీ బతుకమ్మ పండుగ శుభాకాంక్షలు': మెగాస్టార్

'ఆడపడుచులు అందరికీ బతుకమ్మ పండుగ శుభాకాంక్షలు' అని మెగాస్టార్ చిరంజీవి తెలిపారు. తెలంగాణ సంస్కృతిని, సంప్రదాయలను ప్ర‌తిబింబించే బతుకమ్మ పండుగ సంబురాలు ఈరోజు ( అక్టోబర్ 6 ) నుంచి ప్రారంభ‌మ‌వుతున్నాయి. ఎంగిలిపూల బతుకమ్మతో ఈరోజు సాయంత్రం ఆడపడుచులందరూ ఈ సంబురాల‌ను మొదలుపెట్టనున్నారు. ఈ వేడుకలు సద్దుల బతుకమ్మతో ముగుస్తాయి.

అయితే, బ‌తుక‌మ్మ పండుగ ప్రారంభం సంద‌ర్భంగా.. మెగాస్టార్ చిరంజీవి తాజాగా ట్వీట్ చేశారు. 'ఆశ్వయుజ మాసంలో 9 రోజుల బొద్దెమ్మ తర్వాత వచ్చే తెలంగాణ ఆడపడుచు ' బతుకమ్మ' కు స్వాగతం. 9 రోజుల పాటు సాయంత్రం కాగానే వివిధ పుష్పాలతో తీరుగా తీర్చిదిద్దే బతుకమ్మను కీర్తిస్తూ ఆడపడుచులు చప్పట్లు, కోలాటాలతో పాటలు పాడే దృశ్యం ఓ అద్భుతం. ఆడపడుచులు అందరికీ బతుకమ్మ పండుగ శుభాకాంక్షలు'.. అని చిరంజీవి ట్వీట్‌లో పేర్కొన్నారు.