Ott: ఓటీటీలోకి కొరియ‌న్ ‘జాన్ విక్‌’.. అడ్డొచ్చిన వాళ్ల‌ని వేసేయ‌డ‌మే

డ‌బ్బింగ్ సినిమా ల‌వ‌ర్స్‌ను అల‌రించ‌డానికి ఒక దాని త‌ర్వాత ఒక‌టి సినిమా ఓటీటీలోకి వ‌చ్చేస్తున్నాయి. ఒక ఫ్లాట్ ఫాం కాకుంటే మ‌రో ఫ్లాట్ ఫాంలో చిత్రాలు విడుద‌ల‌వుతూ ప్రేక్ష‌కుల‌కు మంచి థ్రిల్‌ను అందిస్తున్నాయి. తాజాగా ఓ కొరియ‌న్ సినిమా డిజిట‌ల్ స్ట్రీమింగ్‌కు వ‌చ్చేసింది. అయితే ఈ సినిమా విడుద‌లైన రెండేండ్ల త‌ర్వాత ఓటీటీలోకి రాగా కొరియ‌న్ సినిమాలు ఎక్కువ‌గా వ‌చ్చే ఓటీటీ ఫ్లాట్‌ఫాంలు అమెజాన్‌, నెట్‌ఫ్లిక్స్‌ల‌లోకి కాకుండా మ‌నం అస‌లు ఉహించ‌ని మ‌రో ప్లాట్‌ఫాంలో ఈ సినిమా స్ట్రీమింగ్ అవుతుండ‌డం విశేషం.

2022లో విడుద‌లైన కొరియ‌న్ యాక్ష‌న్ థ్రిల్ల‌ర్ మూవీ ది కిల్ల‌ర్ (ఏ గ‌ర్ల్ ఊ డిస‌ర్వ్స్ టూ డై) The Killer: A Girl Who Deserves to Die. జాంగ్ హ్యూక్ (Jang Hyuk) క‌థానాయ‌కుడిగా న‌టించిన‌ ఈ సినిమాకు చోయ్ జే-హూన్ (Choi Jae-hoon) ద‌ర్వ‌క‌త్వం వ‌హించారు. ఇదిలాఉండ‌గా ఇందులోని యాక్ష‌న్ స‌న్నివేశాల దృష్ట్యా ఈ సినిమా కొరియ‌న్ జాన్‌ వీక్ అనే పేరు తెచ్చుకోవడం గ‌మ‌నార్హం. ప్ర‌స్తుతం ఈ సినిమా సోని లివ్ (Sony LIV) ఓటీటీలో స్ట్రీమింగ్ అవుతుండ‌గా తెలుగు భాష‌లోనూ అందుబాటులో ఉంది.

క‌థ విష‌యానికి వ‌స్తే.. కాంట్రాక్ట్ కిల్ల‌ర్ అయిన జాంగ్ హ్యూక్ త‌న వృత్తికి రిటైర్మెంట్ ప్ర‌క‌టించి త‌న భార్య హైయోన్-సూతో క‌లిసి ప్ర‌శాంతంగా జీవిస్తుంటాడు. ఓ రోజు హ్యూక్ భార్య హైయోన్-సూ త‌న బెస్ట్ ఫ్రెండ్‌తో విహార‌యాత్ర‌కు వెళుతూ త‌న ఫ్రెండ్ కూతురు కిమ్ యూన్-జీని జాగ్ర‌త్త‌గా చూసుకోండి అని చెప్పి వెళ్లిపోతుంది.

ఈ క్ర‌మంలో ఆ అమ్మాయి కిడ్నాప్ అవుతుంది. దీంతో జాంగ్ హ్యూక్ అమెను వెతికేందుకు రంగంలోకి దిగుతాడు. ఈ నేప‌థ్యంలో కిడ్నాప్ చేసిందెవ‌రు, ఎందుకు చేశారు.. చివ‌ర‌కు ఏమైంద‌నే పాయుంట్‌తో సాగుతూసినిమా ఆద్యంతం యాక్ష‌న్ ప్రియుల‌ను ఆక‌ట్టుకుంటుంది. జాన్ వీక్ సినిమాలో మాదిరే ఇందులోనూ హీరో క‌నిపించిన వాడిని క‌నిపించిన‌ట్టు వేసేసుకుంటూ వెళ్ల‌డం గ‌మ‌నార్హం.