నాలుగేళ్ల కల

జీవన్‌ రెడ్డి, అలేఖ్య జంటగా అశ్విన్‌ కామరాజ్‌ కొప్పాల దర్శకత్వంలో తెరకెక్కుతున్న చిత్రం ‘వృషభ’. మురళీకృష్ణా రెడ్డి, గడ్డం నవీన్‌,రాజమౌళి తదితరులు కీలక పాత్రలు పోషిస్తున్నారు. ఉమా శంకర్‌ నిర్మాత. ఈ సినిమా లిరికల్‌ సాంగ్‌, ట్రైలర్‌ లాంచ్‌ కార్యక్రమం బుధవారం నిర్వహించారు. ఈ సందర్భంగా చిత్ర నిర్మాత ఉమాశంకర్‌ రెడ్డి మాట్లాడుతూ ‘‘నాలుగేళ్ల కల ఈ సినిమా. ఎక్కడా రాజీ పడకుండా చిత్రాన్ని నిర్మించాను. టీమ్‌ అంతా ఈ సినిమా కోసం ఎంతో కష్టపడ్డారు’’ అని చెప్పారు. చిత్ర దర్శకుడు అశ్విన్‌ కామరాజ్‌ మాట్లాడుతూ ‘‘ఉమా శంకర్‌ అద్భుతమైన కథ రాసుకొచ్చి నన్ను అప్రోచ్‌ అయ్యారు. ఈ కాన్సెప్ట్‌ మీద చాలా హార్డ్‌వర్క్‌ చేశాం’’ అని అన్నారు. ఈ చిత్రానికి ఎడిటర్‌: మహేంద్ర నాథ్‌, డీఓపీ: యుఎస్‌ విజయ్‌, సంగీతం: ఎమ్‌.ఎల్‌.రాజా, కో ప్రొడ్యూసర్‌: మల్లికా రెడ్డి.